Տորթն ուղղակի հիասքանչ է, մեղրային կորժերը ստացվում են նուրբ, իսկ թթվասերով կրեմը առանձնահատուկ համ է հաղորդում:
Անհրաժեշտ բաղադրիչներ.
- 6 ձու
- 180գ շաքարավազ
- 2ճ.գ. մեղր
- 190գ ալյուր
- 1թ.գ. փխրեցուցիչ
- 1թ.գ. աղ
- 600գ խիտ թթվասեր
- 5ճ.գ. շաքարի փոշի
- 200գ ընկույզ
- 200գ սալորաչիր
Պատրաստման եղանակ.
Հարել ձուն՝ մինչ փքուն զանգված կստացվի: Ավելացնել շաքարավազը և հարել՝ մինչ շաքարավազը գրեթե լիովին կհալվի: Ավելացնել մեղրն ու աղը: Եվս մի անգամ հարել:
Առանձին խառնել փխրեցուցիչն ու ալյուրը: Ստացված խառնուրդը լցնել ձվային զանգվածի մեջ և զգուշորեն խառնել փայտե գդալով:
26 սմ տրամաչափով տապակի մեջ լցնել խմորը և ուղարկել մինչ 180 ջերմաստիճան տաքացրած ջեռոցը: Թխել մոտ 30 րոպե՝ մինչ բիսկվիթի պատրաստ լինելը:
Պատրաստել կրեմը. հարել թթվասերը՝ հարիչի միջին արագությամբ, մինչ փքուն զանգված կստացվի: Ավելացնել շաքարի փոշին և նորից հարել:
Բիսկվիթը կտրել 3 հավասար շերտերի և անցնել տորթը հավաքելուն:
Առաջին կորժին կրեմ քսել, մանրացրած ընկույզ ցանել և դնել սալորաչրի կտորներ: Էլի կրեմ քսել: Ծածկել մյուս կորժով, կրեմ քսել և կրկնել նույն պրոցեդուրան: Նույն ձև անել նաև երրորդ շերտի հետ:
Տորթին բոլոր կողմերից կրեմ քսել, զարդարել ընկույզով, նաև սալորաչրով:
Թողնել, որ 3-4 ժամ կրեմ ներծծվի և մատուցել:
Բարի ախորժակ:
Նյութը հրապարակման պատրաստեց havesovinfo
