Այս թխվածքաբլիթը, վստահ ենք, դուր կգա բացառապես բոլորին։ Այն ոչ միայն գեղեցիկ է, այլև շատ համեղ, ախորժելի և անուշաբույր։
Բաղադրատոմսն այնքան պարզ է, որ գլուխ կհանեն բոլորը։
Անհրաժեշտ բաղադրիչներ․
- ալյուր՝ 300գ
- կաթնաշոռ՝ 200գ
- շաքարավազ՝ 180գ
- կարագ՝ 60գ
- ձու՝ 1 հատ
- սոդա՝ 1/2թ․գ․
- վանիլին
- աղ՝ մի պտղունձ
Պատրաստման եղանակ․
Խորը տարայի մեջ ուղարկել կաթնաշոռը և կարագը։
Ավելացնել շաքարավազը, աղը և վանիլինը։
Հարել՝ մինչ համասեռ զանգված կստացվի։ Ավելացնել ձուն և նորից հարել։
Սոդան միացնել ալյուրի հետ և մաս-մաս ավելացնել հարած զանգվածին։
Խմոր հունցել՝ սկզբոմ տարայի, այնուհետև ալյուրոտ սեղանի վրա։
Պատրաստի խմորին գնդիկի ձև տալ և թողնել, որ հանգստանա 10 րոպե՝ սենյակային ջերմաստիճանի ներքո։
Գրտնակել՝ 7-8մմ հաստությամբ շերտ ստանալով։
Դանակով կտրատել՝ 3*7սմ ուղղանկյունների, դնել յուղաթղթով ծածկված տապակի մեջ։
Տաքացնել ջեռոցը՝ մինչ 180 ջերմաստճանի և թխել՝ 10-15 րոպե։
Արդեն սառած թխվածքաբլիթին շաքարի փոշի ցանել և մատուցել։ Բարի ախորժակ։
