Եթե սիրում եք կարտոֆիլով ուտեստներ, ապա սա չի կարող դուր չգալ ձեզ։ Նուրբ, անուշաբույր և ախորժելի ջեռեփուկն ուղղակի հալվում է բերանում։ Բաղադարոտմսն այնքան պարզ է, որ սա կարող են պատրաստել նույնիսկ երեխաները։
Անհրաժեշտ բաղադրիչներ․
- պինդ պանիր՝ 100գ
- միջին չափի կարտոֆիլ՝ 6 հատ
- ձու՝ 2 հատ
- սխտոր՝ 2 պճեղ
- կանաչի
- աղ և սև պղպեղ՝ ըստ ճաշակի
- մայնոնեզ՝ 4ճ․գ․
Պատրաստման եղանակ․
Քերիչով անցկացնել պանիրը։ Խառնել պանրի կեսը, 1 ձուն, մայոնեզը, մանրացրած սխտորը։
Քերել կարտոֆիլը, ավելացնել այս խառնուրդին։ Համեմել աղով և պղպեղով։
Մնացած պանրից, 1 ձվից և կանաչուց միջուկ պատրաստել։
Ջեռոցի տապակին ձեթ քսել։ Մեջը լցնել կարտոֆիլային խառնուրդը։
Հավասարաչափ բաշխել միջուկը։
Ջեռեփուկն ուղարկել մինչև 180 աստիճան նախօրոք տաքացրած ջեռոցը և եփել 40 րոպե։
Կախարդական ուտեստը պատրաստ է։
Բարի ախորժակ։