Այս կեքսերը ստացվում են շատ փափուկ և օդային, կարող եք պատրաստել և միջուկով, և առանց դրա։
Անհրաժեշտ բաղադրիչներ․
- ձու՝ 3 հատ
- շաքարավազ՝ 150գ
- կիտրոնի հյութ՝ 60գ
- ձեթ՝ 70մլ
- ալյուր՝ 180գ
- կրախմալ՝ 50գ
- փխրեցուցիչ՝ 1թ․գ․
- աղ՝ 0,25թ․գ․
- 1 կիտրոնի կեղև
- վանիլին
Պատրաստման եղանակ․
Բաղադրիչները պիտի լինեն սենյակային ջերմաստիճանի։
Ձուն խառնել աղի հետ, հարել, ավելացնել շաքարավազը, 1 կիտրոնի քերած կեղև, վանիլին, ցանկության դեպքում նաև քրքում։ Հարել 2 րոպե։
Ավելացնել կիտրոնի հյութը, ձեթը, հարել ցածր արագությամբ։
Ալյուրը խառնել փխրեցուցիչի, կրախմալի հետ և մաղելով լցնել նախապատրաստված հեղուկ զանգվածի մեջ։
Ֆորմաների մեջ լցնել խմոր այնքան, որ լցվի 1/3 մասը։ Թխել նախօրոք տաքացրած ջեռոցում՝ 180 ջերմաստիճանի ներքո, 20-25 րոպե։
Կարող եք ցանկացած միջուկ լցնել՝ հրուշակեղենային պարկի օգնությամբ։
Բարի ախորժակ։
