Կարծում ենք, կարտոֆիլ բոլորն են սիրում: Հրաշալի է այն, որ կարտոֆիլից կարելի է պատրաստել բազմաթիվ ուտեստներ, բոլորն էլ ստացվում են համեղ և ախորժելի:
Այսլօր կիսվում ենք հետաքրքիր բաղադրատոմսով. կարտոֆիլով կոտլետներ՝ նրբերշիկից միջուկով:
Անհրաժեշտ բաղադրիչներ.
- կարտոֆիլ՝ 1200գ
- նրբերշիկ՝ 3 հատ
- սոխ՝ 1/2 հատ
- սամիթ՝ 70գ
- ձու՝ 1 հատ
- աղ և պղպեղ
- ձեթ
Պատրաստման եղանակ.
Եփել կարտոֆիլը՝ առանց կճպելու, մաքրել և անցակցնել խոշոր քերիչով:
Ավելացնել մանր կտրատած սամիթը, ձուն, համեմել աղով և պղպեղով:
Խառնել և ձեռքերով մեծ գնդիկ ձևավորել: Եթե փշրվում է, կարող եք մի քիչ ալյուր ավելացնել:
Թավայի մեջ ձեթ լցնել. տապակել մանրացրած սոխն ու նրբերշիկը: Համեմել՝ ըստ ցանկության:
Կարտոֆիլից զանգվածը բաժանել մի քանի մասի, բլիթ ձևավորել, մեջտեղի հատվածում դնել նրբերշիկով միջուկը:
Ամրացնել եզրերը՝ կոտլետներ ստանալով:
Տաքացնել թավան, մեջը ձեթ լցնել և տապակել կոտլետները՝ երկու կողմից, մինչ դրանք գեղեցիկ կկարմրեն:
Համեղ, ախորժելի և անուշաբույր կոտլետները պատրաստ են:
Բարի ախորժակ:
Նյութը հրապարակման պատրաստեց havesovinfon
