Ծիրանի և նարինջի ջեմը կզարմացնի ձեզ իր համով և գեղեցիկ տեսքով:
Անհրաժեշտ բաղադրիչներ.
1200գ ծիրան
3 նարինջ
750գ շաքարավազ
1ճ.գ. կիտրոնի հյութ
Պատրաստման եղանակ.
Առաջին հերթին լվանում ենք ծիրանը և կտրում մեջտեղից: Հեռացնում ենք կորիզները և լցնում հաստ պատերով կաթսայի մեջ:
Լվանում ենք նարինջը, լցնում առանձին կաթսայի մեջ, ավելացնում եռացրած ջուր և թողնում մի քանի րոպե:
Չորացնում ենք նարինջը և կեղևն անցկացնում մանր քերիչով: Ինչից հետո հանում ենք սպիտակ կեղևը, իսկ նարինջը բաժանում մասնիկների:
Այժմ հանում ենք նարինջի բարակ թափանցիկ կեղևը և կորիզները: Մանր կտրատում ենք և ավելացնում ծիրանին:
Ավելացնում ենք կիտրոնի հյութը և շաքարավազը: Լավ խառնում ենք, դնում կրակին և հասցնում եռման աստիճանի:
Թույլ կրակի վրա եփում ենք 15 րոպե՝ պարբերաբար խառնելով:
Կաթսան հանում ենք կրակից և տրորում զանգվածը՝ մինչ միասեռ զանգված կստացվի:
Կրկին դնում ենք կրակին և եփում ևս 15 րոպե՝ թույլ կրակի վրա: Չենք մոռանում ջեմը խառնելու մասին:
Դրանից հետո լցնում ենք ստերիլիզացված բանկաների մեջ և փակում: Շուռ ենք տալիս և պահում ծածկված վիճակում:
Բարի ախորժակ:
