Գրեթե ամեն շաբաթ ընտանիքիս համար պատրաստում եմ այս անչափ համեղ, փափուկ ու ախորժելի թխվածքը։ Ստացվում է օդային ու անուշաբույր։ Այն կարող եք մատուցել և որպես ինքնուրույն թխվածք, և օգտագործել որպես տորթի հիմք։
Անհրաժեշտ բաղադրիչներ․
- ալյուր՝ 230գ
- շաքարավազ՝ 180գ
- ձու՝ 4 հատ
- թթվասեր 20%՝ 250գ
- վանիլին
- փխրեցուցիչ՝ 2թ․գ․
- աղ՝ մի պտղունձ
Պատրաստման եղանակ․
Ձուն հարել, ավելացնել աղն ու շաքարավազը, նաև վանիլինը։ Հարել՝ մինչ փքուն զանգված կստացվի, մոտ 3-4 րոպե։ Լցնել վանիլինը, թթվասերը և հարել՝ հարիչի թույլ արագությամբ։
Մաղած ալյուրի մեջ լցնել փխրեցուցիչը։
Ալյուրը քիչ-քիչ լցնել ձվային զանգվածի մեջ և խառնել փայտե գդալով։ Պիտի ստացվի թթվասերի խտության խմոր։
Ջեռոցը տաքացնել մինչ 180 ջերմաստիճանի, տապակը ծածկել յուղաթղթով։
Խմորը լցնել մեջը և հավասարաչափ բաշխել։ Ուղարկել տապակը արդեն տաքացած ջեռոցը։ Թխել 40-45 րոպե։ Երն այն պատրաստ լինի, անջատել ջեռոցը, սակայն հանել թխվածքը միայն 10 րոպեից։
Բարի ախորժակ։
