Այսօր՝ ապրիլի 30-ին, ՀՀ կառավարությունը լրացում է կատարել Կորոնավիրուսի սոցիալական հետևանքների չեզոքացման 8-րդ ծրագրում: Ըստ այդմ ընդլայնվել են ոչ միայն ոլորտները, այլև շահառուների ցանկում ներգրավել են քաղաքացիաիրավական պայմանագրով աշխատողները:
Աշխատանքի և սոցիալական հարցերի նախարար Զարուհի Բաթոյանի թվարկմամբ՝ ծրագրում ներառվել են հետևյալ ոլորտները. հագուստի, կոշիկի և կաշվե այլ իրերի արտադրություն, կահույքի արտադրություն, թանկարժեք և ոչ թանկարժեք մետաղներից և քարերից զարդերի պատրաստում, ավտոմեքենաների տեխնիկական սպասարկում և նորոգում, օդային տրանսպորտի, կինոթատրոնների, լուսանկարչության բնագավառում գործունեություններ, ավտոմեքենաների և այլ առարկաների վարձույթ, կրթական գործունեություն մշակույթի, երաժշտության, սպորտի, պարի բնագավառում, ինչպես նաև լվացում, մաքրում և չոր մաքրում ծառայությունների մատուցում, պոլիգրաֆիական գործունեություն (տպագրության ծառայություն)։
Վարչապետ Նիկոլ Փաշինյանը նշեց, որ հակաճգնաժամային միջոցառումներով մինչ այժմ բաշխվել է 54.9 մլրդ դրամ, շահառու տնտեսվարողների թիվը 22 հազար է, շահառու ֆիզիկական անձանց թիվը՝ 775 հազար:
Ինչպես պետք է օգտվել 8-րդ ծրագրից. նախարարը տեսանյութում մանրամասներ է ներկայացնում․
