«Հրապարակ» օրաթերթի խմբագրություն է այցելել Տավուշի մարզի Արծվաբերդ համայնքի բնակիչ, 13-ամյա Արսեն Ապերյանը։ Փոքրիկը սովորում է Արծվաբերդի միջնակարգ դպրոցում։
Երեխան խնդրում է հանդիպում կազմակերպել վարչապետ Փաշինյանի հետ․ վարչապետի հետ ուզում է խոսել իրենց համայնքի խնդիրների մասին։
Մեզ հետ զրույցում 13-ամյա Արսենը նշեց, որ տեղյակ է վարչապետի զբաղվածության, ծանրաբեռնված աշխատանքի մասին, դրա համար էլ դիմել է «Հրապարակ» օրաթերթի խմբագրություն՝ իրեն հուզող հարցերի մասին բարձրաձայնելու համար։
Փոքրիկ Արսենի խոսքով՝ իրենց համայնքի՝ Արծվաբերդի մասին շատ քիչ է խոսվում, համայնքը անուշադրության է մատնված։
«Գյուղը քանի գնում՝ հանրայնությունից դուրս է գալիս։ Հնարավոր է՝ ոչ ոք չգիտի գյուղի մասին, ցանկանում եմ՝ մարդիկ ավելի տեղեկացված լինեն։ Գյուղի մեր եկեղեցին վերանորոգման կարիք ունի, գուցե ինչ-որ մի տուրիստական գործակալություն օգնի, որպեսզի տուրիստները գան, ճանաչեն գյուղը։ Ցանկանում եմ հանիպել Նիկոլ Փաշինյանին, վստահ եմ՝ հանդիպման ժամանակ ավելի հետաքրքիր մտքեր կծագեն»,- նշում է Արսենը։
Արսենը մեզ փոխանցեց նաև համայնքի եկեղեցու լուսանկարները, որի մասին խոսում էր։
Մանրամասները՝ տեսանյութում։
