2018 թվականին զորամասերից մեկում գտնվել էր զինծառայող Արթուր Գասպարյանի մարմինը: Դեպքի մանրամասների քննությունը ցույց էր տվել, որ կատարվածը կազմակերպված հանցագործության արդյունք է եղել, ուստի հարցով սկսել են զբաղվել իրավապահ մարմինները:
Դրանից հետո Արթուրի մայրը ակտիվորեն սկսել է հետաքրքրվել ընթացող հետաքննությամբ, միշտ կապ է պահել գործով զբաղվող փաստաբանի, քննիչների հետ:
Բայց Արթուրի մոր՝ տիկնի Մարինեի համար աննկարագրելի ու սարսփելի ցավ է եղել դեպքից մեկ տարի անց որդու անունից, որդու նկարով բացված էջից ստացած նամակը սոցցանցի իր ակաունտին: Նամակը սկսվել է «Մամ ջան, ո՞նց ես» բառերով, որից հետո դրվել է համբույրի սմայլիկներ, իսկ ավելի ներքևում սկսվել են սպառնալիքների շարանը: Տիկին Մարինեն չի կարողացել ավարտին հասցնել նամակի ընթերցումը, քանի որ սպառանլիքները որդու գերեզմանը պղծելու մասին են եղել: Նա ընկել է ծանր հոգեվիճակի մեջ:
Դեռևս գործի հանգամանքներն ամբողջությամբ բացահայտված չեն: Իսկ որդու նկարով ստեղծված էջից մուտք գործած անհայտ անձին դեռ գտնել չի հաջողվել:
