Լևոնյանները թերևս մեր իրականության ամենից հայտնի և տաղանդավոր անհատականություններից են: Նրանց ոլորտը թատերական ոլորտն է: Ընտանիքը հայ կինոյին ու թատրոնին նվիրել է երկու տաղանդավոր դերասանի, ովքեր իրենց մասնակցությամբ նոր խոսք ու որակ են բերում հայկական մշակույթ:
Արսեն և Խորեն Լևոնյանները Թամար Աբրահամյանի և Արմեն Լևոնյանի զավակներն են: Շատերին է հայտնի, որ Թամար Աբրահամյանը հանրահայտ ու սիրված դերասան Խ. Աբրահամյանի դուստրն է, ով ևս շարունակել է հոր մասնագիտական գիծը՝ ստանալով թատերական կրթություն: Մի որոշ ժամանակ թատերական գործունեությամբ զբաղվելուց հետո նա թողել է թատրոնը:
Արմեն Լևոնյանը ևս հեռու չէ թատերական միջավայրից, չնայած նա մասնագիտությամբ տնտեսագետ է, իսկ հետաքրքրությունների բերումով՝ ֆուտբոլիստ:
Այժմ դերասանների ծնողների հիմնական զբաղմունքը թոռնիկների խնամքով և ընտանեկան առօրյայով զբաղվելն է: Նրանց զավակները շարունակում են ընտանեկան ավանդույթները՝ բարձր պահելով Խորեն Աբրահամյանի՝ մեծ դերասնի անունը: