Տեղափոխվում ենք նորվեգական խոհանոց ու պատրաստում այս թխվածքաբլիթները.
Բաղադրիչներ
ալյուր — 200 գ
կարագ — 100 գ
շաքարավազ — 80 գ
ձու — 3 հատ
վանիլին — 1/5 թ/գ
շաքարի փոշի — 1-2 ճ/գ
Պատրաստման եղանակը
Ձուն եփում ենք եռալու պահից սկսած 10 րոպե, ապա սառեցնում ենք սառը ջրով:
Ապա մաքրում ենք՝ առանձնացնելով դեղնուցը, լցնում ենք խորը տարայի մեջ ու գդալի օգնությամբ վերածում փշրանքների:
Ավելացնում ենք 2 ձվի դեղնուցները, փափկած կարագը, շաքարավազն ու զգուշորեն խառնում ենք:
Ավելացնում ենք վանիլինն ու ալյուրը: Ստացված զանգվածը խառնում ենք՝ ստանալով փափուկ խմոր:
Խմորից փորձում ենք ստանալ փոքրիկ գնդիկներ:
Գնդիկները թաթախում ենք սպիտակուցի մեջ:
Այնուհետև թաթախում ենք շաքարի փոշու մեջ:
Գնդիկները դնում ենք յուղաթղթապատ ձևամանի մեջ: Թխում ենք 20-30 րոպե 180 աստիճան տաքացրած ջեռոցում:
Համեղ ու գեղեցիկ թխվածքաբլիթները պատրաստ են:
Վայելում ենք:
Այս թխվածքաբլիթները կարելի է համտեսել սուրճի կամ թեյի հետ: