Հարբուխը (մրսածություն) ամենատարածված հիվանդություններից մեկն է, որը սովորաբար սեզոնային բնույթ է կրում, սակայն այնուամենայնիվ կարող է ի հայտ գալ տարվա ցանկացած եղանակին։ Շատ հաճախ մարդիկ պարզապես անուշադրության են մատնում այս հիվանդությունը՝ շարունակելով վարել սովորական կենսակերպ, քանի որ որպես կանոն հարբուխը բուժվում է առանց որևէ միջամտության ընդամենը մի քանի օրում, սակայն միևնույն ժամանակ այն կարող է դրսևորվել բավական տհաճ ախտանշաններով ու խիստ բացասաբար անդրադառնալ մարդու կյանքի որակի վրա, ուստի մասնագետները խորհուրդ են տալիս անպայման միջոցներ ձեռնարկել հիվանդության տհաճ դրսևորումները մեղմելու համար:
Հարբուխի ախտանշաններից ազատվելու համար մարդիկ հաճախ ընդունում են հատուկ դեղամիջոցներ, սակայն մասնագետները վստահ են, որ խնդրի դեմ կարելի է պայքարել նաև բնական միջոցներով, որոնք շատ ավելի անվտանգ են ու հասանելի։ Ավելին այս բնական միջոցներն իրենց արդյունավետությամբ չեն զիջում դեղորայքին, իսկ որոշ դեպքերում կարող են անգամ ավելի արդյունավետ լինել, ուստի մինչ դեղատնային միջոցներ կիրառելը կարելի է նախ փորձել բուժվել դրանց օգնությամբ։
Ձեր ուշադրությանն ենք ներկայացնում լավագույն բնական միջոցները, որոնք կօգնեն հեշտությամբ մեղմել այս հիվանդության տհաճ դրսևորումները և զգալիորեն կարագացնեն ապաքինման գործընթացը։
1 ճաշի գդալ չորացրած երիցուկի ծաղիկներին ավելացնել մի բաժակ եռման ջուր ու թրմել, այնուհետև թուրմին ավելացնել մի բուռ լոռամիրգ և 10 րոպե դնել թույլ կրակին: Թողնել հեղուկը մի փոքր սառչի, այնուհետև քամել, քաղցրացնել մեղրով և խմել:
Ջրին ավելացնել մի քանի կաթիլ չիչխանի յուղ, դնել կրակին ու եռացնել, այնուհետև ծածկել գլուխը սրբիչով և 10-15 րոպե շնչել ջրից բարձրացող տաք բուժիչ գոլորշին:
1 ճաշի գդալ մանրացրած նարնջի կեղևներին ավելացնել եռման ջուր, թողնել 30 րոպե թրմվի, այնուհետև ստացված թուրմը խմել որպես թեյ:
1:1 հարաբերակցությամբ խառնել լորենու ծաղիկներն ու սև թանթրվենու ծաղիկները, այնուհետև ստացված խառնուրդի 2 ճաշի գդալին ավելացնել մի բաժակ եռման ջուր և 5-10 րոպե դնել թույլ կրակին: Ստացված թուրմը քամել և խմել հնարավորինս տաք վիճակում: Այս թուրմը խորհուրդ է տրվում ընդունել քնելուց առաջ:
1:1 հարաբերակցությամբ խառնել առյուծագին և եղերդակի արմատը, ավելացնել եռման ջուր և թրմել 10-15 րոպե: Ստացված թուրմը հարկավոր է խմել օրական 3 անգամ կես բաժակ:
1:1 հարաբերակցությամբ խառնել հապալասի ու ազնվամորու տերևները, այնուհետև ստացված խառնուրդի 1 ճաշի գդալին ավելացնել մի բաժակ ջուր, դնել կրակին ու եռացնել: Ստացված եփուկին ավելացնել մի փոքր մեղը և խմել տաք վիճակում: Այս թուրմը հարկավոր է խմել օրական 3-4 անգամ մեկական բաժակ:
1 սմ երկարությամբ կոճապղպեղի արմատը մաքրել ու մանրացնել, ավելացնել մի պտղունց դարչին ու 1 թեյի գդալ սև թեյ, այնուհետև խառնուրդին ավելացնել եռման ջուր ու 5 րոպե դնել թույլ կրակին։ Թողնել թեյը թրմվի ևս 10 րոպե, այնուհետև քաղցրացնել մեղրով, ավելացնել կիտրոն (ըստ ճաշակի) և խմել բուժիչ վիտամինային ըմպելիքը։
1 ճաշի գդալ չորացրած ազնվամորու հատապտուղներին ավելացնել նույն քանակությամբ չորացրած մասուրի հատապտուղներ, այնուհետև ավելացնել եռման ջուր ու ամբողջ գիշեր թրմել թերմոսի մեջ։ Ըմպելիքը հարկավոր է խմել որպես թեյ։
Մի բաժակ կաթին ավելացնել 1 թեյի գդալ մանրացրած կոճապղպեղի արմատ, մի փոքր սև պղպեղ ու հիլ, այնուհետև դնել կաթը կրակին ու եռացնել։ Թողնել ըմպելիքը մի փոքր սառչի և խմել։
Այս բնական միջոցները շատ արդյունավետ են հիվանդության զարգացման սկզբնական շրջանում տհաճ զգացողությունները մեղմելու համար, սակայն հարկ է հիշել, որ առողջական լուրջ խնդիրների դեպքում հարկավոր է անպայման դիմել մասնագետին, քանի որ ինքնաբուժությունը կարող խիստ վնասակար լինել ու էլ ավելի վատթարացնել հիվանդի վիճակը: Բացի այդ, երբեմն մրսածությանը բնորոշ ախտանշանները պայմանավորված են լինում շատ ավելի վտանգավոր հիվանդութուններով, որոնց դեմ անհապաղ միջոցներ չձեռնարկելը կարող է շատ լուրջ հետևանքներ ունենալ։ Նման խնդիրներից խուսափելու համար հարկավոր է անպայման խորհրդակցել բժշկի հետ, քանի որ միայն փորձառու մասնագետը կկարողանա պարզել խնդրի պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:
Նյութի աղբյուրը՝ aif.ru
