«Ուզում եմ բոլորին հիշեցնեմ, որ երեկվանից ուժի մեջ է մտել հանրային սննդի օբյեկտներում ծխելու արգելքի վերաբերյալ որոշումը, որը կարևորագույն ռեֆորմ է»,- այսօր՝ Կառավարության նիստում հայտարարեց վարչապետ Նիկոլ Փաշինյանը։
«Այս ռեֆորմները չունեն մի ուղղություն․ մասնավորապես, դրանք և՛ քաղաքակրթական են, և՛ առողջապահական, և՛ կառավարչական»,- նշեց նա։
«Հիմա հետևում եմ, թե ինչ արձագանքներ կան մեր՝ առաջիկայում սպասվող մեկ այլ ռեֆորմի մասին, որը վերաբերում է հանրային սննդի օբյեկտներում աղի օգտագործման չափանիշին։ Այն հիմնականում հումորի թեմա է դառնում, որովհետև մեզնից ոչ բոլորը գիտեն, թե աղի գերօգտագործումը հետագայում ինչ ազդեցություն է ունենում մեր հանրային առողջության վրա»,- ասաց վարչապետը։
«Առողջ ապրելակերպը մեր ռազմավարական մոտեցումն է»,- հավելեց նա։