Այսօր՝ ապրիլի 24-ին, գեներալ-գնդապետ Վլադիմիր Գասպարյանն այցելել էր Եռաբլուր զինվորական պանթեոն, որտեղ նա պատասխանել է Analitik.am-ի լրագրողին հարցերին։
Գասպարյանը նշել է, որ Եռաբլուր այցի նպատակն է ցույց տալ ավագ թոռանը և կրտսեր տղային , թե որտեղ են պահանջատերերը հանգչում․ «Եռաբլուրը մեր պահանջատեր տեսակի հանգչելու տեղն է: Այն հրեշտակ պահապաններին՝ միլիոն ու կեսանոց, որոնք երկնքում են, միացել են այս պահանջատեր տղաների հոգիները, որոնք նույնպես երկնքում են: Իրենք սրբացած են՝ անկախ նրանից սրբադասված են, թե՝ ոչ, որովհետև այս տղաները պահանջատերերն են, այս տղաները կասեցրեցին 20-րդ դարի վերջին և 21-րդ դարի սկզբի եղեռնը, այս տղաներն իրենց արյունով շաղախեցին, պարարտացրին այն հողը, որի վրա մենք կանգնած ենք: Դրա համար էլ այսօր այստեղ եմ»:
Գասպարյանը նաև նշել է, որ մենք հիշում ենք, բայց պահանջատեր լինելու համար կամք և ուժ է պետք․ «Պահանջատեր լինելու համար պետք է առաջին հերթին նվիրյալ լինես: Սա է այսօրվա դասը երիտասարդներին»:
Մանրամասները՝ տեսանյութում:
