Ծնողներն այն մարդիկ են, ում երկար ապրելը միայն ուրախացնում և ուժ է տալիս։ Կարծես թե չենք նկատում, թե որքան արագ են ծերանում հայրիկն ու մայրիկը։ Այնպիսի տպավորություն է, որ դա տեղի է ունենում մի ակնթարթում։ Իրականում ուզում ենք հավատալ, որ մեր ծնողների մոտ ամեն ինչ լավ կլինի և նրանք կլինեն առողջ ու կապրեն հարյուր տարուց ոչ պակաս։
Միայն թե մեր պարտականությունն է ապահովել նրանց պատշաճ խնամքը, հոգ տանել տարեց ծնողներից մասին։ Պատմում ենք, թե ինչպես կարելի է հասկանալ, որ ծնողներն այլևս չեն կարողանում ապրել միայնակ։
Քաշի նվազում
Սա վկայում է առողջության վատացման մասին։ Տարեց մարդիկ հաճախ ախորժակ չեն ունենում կամ ուղղակի մոռանում են ուտելու մասին։ Հաճախ անհրաժեշտ է լինում, որ որևէ մեկը հետևի նրանց սննդակարգին։
Խառնաշփոթ բնակարանում
Անգամ նրանք, ովքեր երիտասարդ տարիներին եղել են ամենամաքրասերը, ծերության օրոք տունը մաքրելու ու հավաքելու ուժ չեն ունենում։ Լինում են դեպքեր, երբ տարեցները թույլ չեն, բայց այլևս չեն ուզում զբաղվել կենցաղային գործերով․ սա նույնպես ահազանգ է։
Հիգիենա
Առողջ մարդիկ կանոնավոր կերպով լոգանք են ընդունում և լվանում են ատամները։ Երբ տարեց մարդիկ անտեսում են հիգիենայի կանոնները, դա վկայում է այն մասին, որ նրանք արդեն իսկ ունեն ձեր օգնության կարիքը։ Նրանք կարող են մոռանալ դրա մասին կամ էլ պարզապես իմաստ չտեսնել դրանում։
Վարք
Երբ նկատում եք, որ տարեցները սկսում են հաճախ նեղանալ ու իրենց երեխայի պես պահել, դա այնքան էլ լավ չէ։ Մարդիկ կարող են հրաժարվել ուտելուց, լողանալուց կամ առհասարակ դադարել խոսել։ Սա կարող է տեղի ունենալ ցանկացած պահին։ Երբ մտերիմի վարքի մեջ զգալի փոփոխություններ նկատեք, հոգ տարեք նրա մասին։
Նյութը պատրաստեց ԻՆՖՈ ՓԱՍՏԵՐ կայքը
