Պատրաստում ենք համեղ, արագ և պարզ չեբուրեկի՝ բարակ և խրթխրթան խմորով և շատ հյութեղ միջուկով։
Անհրաժեշտ բաղադրիչներ․
- 4 բաժակ ալյուր
- 1,3 բաժակ ջուր
- 2ճ․գ․ օղի
- 1 ձու
- 2ճ․գ․ ձեթ
- 0,5 թ․գ․ աղ
միջուկ 1․
- 700գ աղացած միս, ցանկալի է 2 տեսակի
- 350գ սոխ
- 1/3 բաժակ մածուն
- աղ, պղպեղ, կանաչի, սխտոր
միջուկ 2․
- քերած պանիր
- կանաչի՝ մաղադանոս և սամիթ
- յուրաքանչյուր չեբուրեկիի մեջ մի բարակ կտոր լոլիկ
Պատրաստման եղանակ․
Եռացնել ջուրը՝ աղի և ձեթի հետ միասին։ Լցնել կես բաժակ ալյուր, խառնել, որ գնդիկներ չմնան։ Թողնել, որ մի քիչ սառի։
Ավելացնել ձուն և օղին, խառնել և աստիճանաբար լցնել ալյուրը։ Խմոր հունցել, ծածկել և թողնել 1 ժամ։
Խմորը բաժանել գնդիկների, գրտնակել՝ 1մմ հաստությամբ։
Միջուկ դնել լոշիկի մի կողմում, ծածկել մյուս կեսով և ամրացնել եզրերը։
Տապակել երկու կողմից՝ լավ տաքացրած ձեթի մեջ, մինչ ոսկեգույն դառնալը։
Բարի ախորժակ։
