Ներկայացնում ենք իսկական մարմելադի բաղադրատոմս, որի համը կստիպի այն ամեն օր պատրաստել։
Անհրաժեշտ բաղադրիչներ․
- նարինջի հյութ՝ 100մլ
- ջուր՝ 100մլ
- կիտրոնի հյութ՝ 5-6ճ․գ․
- շաքարավազ՝ 1 բաժակ
- քերած նարինջի կեղև՝ 1ճ․գ․
- քերած կիտրոնի կեղև՝ 1ճ․գ․
- ժելատին՝ 20գ
Պատրաստման եղանակ․
Ժելատինի վրա լցնել նարինջի և կիտրոնի հյութը, խառնել և թողնել, որ ուռի։ Առանձին տարայի մեջ խառնել շաքարավազն ու ջուրը, ավելացնել քերած կեղևները և դնել շատ թույլ կրակի վրա։
Թույլ կրակի վրա հասցնել խառնուրդը եռման աստիճանի և եփել՝ մինչ շաքարավազը լիովին կլուծվի։ Դրանից հետո հանել կրակից և խառնել ժելատինի հետ։
Խառնել՝ մինչ ժելատինը լիովին կլուծվի։ Դրանից հետո քամել և հանել կեղևը։
Ստացված զանգվածը լցնել սննդային տոպրակով ծածկված ֆորմայի մեջ և 6-10 ժամ թողնել սառնարանում։
Պատրաստի մարմելադը դնել շաքարավազով թղթի վրա, կտրատել և յուրաքանչյուր կտորը թաթախել շաքարավազի մեջ։
Ցանկության դեպքում կարելի է ավելացնել նաև սննդային գունանյութեր։
Բարի ախորժակ։
Նյութը հրապարակման պատրաստեց havesovinfon