Շատ գեղեցիկ, սննդարար աղցան է՝ տավարի մսով և բանջարեղենով։ Ստացվում է շատ համեղ և ախորժելի տեսք ունի։
Անհրաժեշտ բաղադրիչներ․
- տավարի միս՝ 400գ
- ձու՝ 3 հատ
- պանիր՝ 100գ
- թարմ վարունգ և լոլիկ՝ յուր․ 1 հատ
- կանաչ սոխ և կանաչի
- մայոնեզ, աղ
Պատրաստման եղանակ․
Եփել միսը՝ ջրին աղ և ցանկացած համեմունքներ ավելացնելով։ Թողնել, որ սառի և մանր կտրատել։
Ձուն եփել, անցկացնել քերիչով։ Քերել նաև պանիրը։
Սոխն ու կանաչին մանր կտրատել։
Լոլիկը խորանարդաձև կտրատել և քամել ավելորդ հյութը։ Վարունգը մանր քերել։
Առաջին շերտն է տավարի միսն ու մայոնեզից ցանցը։
Երկրորդը՝ վարունգ և մայոնեզ։
Երրորդ շերտը՝ ձու, մի քիչ աղ և մայոնեզից ցանց։
Չորրորդ շերտ՝ պանիր և կրկին մայոնեզ։
Հաջորդիվ լցնել կանաչ սոխ, կանաչի, մայոնեզ, լոլիկի խորանարդիկները։
Բարի ախորժակ։