Եթե սիրում եք կաղամբ, ուրեմն այս ուտեստը ձեզ հաստատ դուր կգա։ Պարզ պատրաստման եղանակով և մատչելի բաղադրիչներով ուտեստ՝ շատ ախորժելի և սննդադար։
Անհրաժեշտ բաղադրիչներ․
- 1 լավաշ
- 500գ կաղամբ
- 1 սոխ
- 1 գազար
- 3ճ․գ․ տոմատի մածուկ
- 3 ձու
- 250մլ կաթ
- 100գ թթվասեր
Պատրաստման եղանակ․
Սոխը մաքրել և կտրատել մանր կտորների։ Մաքրած գազարն անցկացնել քերիչով։
Տապակի մեջ կարագ դնել, 2 րոպե տապակել սոխը։ Հետո ավելացնել գազարը,խառնել և շոգեխաշել 3-4 րոպե։
Կաղամբը մանր կտրատել, ավելացնել տապակած բանջարեղենին և խառնել։ Աղ ավելացնել, լցնել տոմատի մածուկը, խառնել և շոգեխաշել՝ մինչ կաղամբի փափկելը։
Պատրաստել սոուսը․ հարել ձուն, ավելացնել կաթն ու թթվասերը։ Համեմել աղով և պղպեղով։
Թողնել, որ կաղամբը սառի։
Ջեռոցի տապակին կարագ քսել։ Կաղամբը հավասարաչափ բաշխել լավաշի վրա, փաթաթել ռուլետի պես և կտրատել 4-5սմ հաստությամբ կտորների։ Կտորները զգուշությամբ տեղափոխել տապակի մեջ, լցնել սոուսը և ուղարկել մինչ 180 ջերմաստիճանի տաքացրած ջեռոցը։ Եփել 35-40 րոպե։
Բարի ախորժակ։
