Առաջարկում ենք փափկամիս պատրաստելու հրաշալի եղանակ։ Մարինադի համար կարող եք օգտագործել ցանկացած համեմունքներ, որոնք ձեզ դուր են գալիս։ Այսպիսի միսը սեղանին յուրահատուկ տեսք է հաղորդում։
Անհրաժեշտ բաղադրիչներ․
- 3 կտոր՝ 1կգ փափկամիս, ցանկալի է խոզի
- 150գ տնական սալ
- 2 գլուխ սխտոր
- համեմունքներ՝ սև պղպեղ, ուրց, ռեհան, կարմիր պղպեղ, օրեգանո․․․
- աղ
- 200մլ ձեթ
- 50մլ ջուր
- 200մլ կարմիր գինի
- 150գ քաղցր կետչուպ
Պատրաստման եղանակ․
Յուրաքանչյուր կտորի վրա 3 ուղղահայաց կտրված անել, բայց մինչև վերջ չկտրել։ Մի քիչ ծեծել միսը։
Ձեթից, համեմունքներից և աղից սոուս պատրաստել և քսել մսի յուրաքանչյուր կտորին։
Սալը կտրատել բարակ շերտերի։
Մաքրել սխտորը և մանրացնել։
Մսի կտորները հյուսել և արանքներում դնել սալի և սխտորի կտորներ։
Ջեռոցի տապակի մեջ ջուր և ձեթ լցնել, դնել մսի հյուսերը և եփել նախօրոք տաքացրած ջեռոցում՝ 200 ջերմաստիճանի ներքո, մոտ 50 րոպե։
Ժամանակ առ ժամանակ շուռ տալ կտորները և կարմիր գինի ցողել։
Ջեռոցից հանելուց 5 րոպե առաջ կետչուպ քսել։
Այսպես միսը ստացվում է շատ նուրբ և համեղ։ Կարող եք մատուցել կարտոֆիլի կամ ցանկացած այլ խավարտի, նաև բանջարեղենի հետ։
Բարի ախորժակ։