Ժամանակը չի խնայում ոչ մեկին և ոչինչ։ Տարիներն անդրադառնում կանանց գեղեցիկ դեմքի վրա՝ թողնելով կնճիռներ, պիգմենտային բծեր և անհարթություններ։
Որքան չոր է մաշկը, այդքան ավելի շուտ են ի հայտ գալիս տհաճ երևույթները։ Դրա համար էլ կոսմետոլոգները խորհուրդ են տալիս պարբերաբար խոնավեցնել և սնուցել մաշկը։ Բնական յուղերն ավելի լավ են լուծում այդ խնդիրը, քան ցանկացած արհեստական քսուք։
Ներկայացնում ենք մաշկի համար ամենաարդյունավետ և օգտակար յուղերի ցանկը։
Գերչակի յուղ
Գերճակի յուղը հաճախ օգտագործում են մազերի, ունքերի, թարթիչների որակը լավացնելու համար։ Սակայն աչքերի շուրջ մաշկի համար այն նույնպես օգտակար է։ Յուղը պարունակում է թթուներ, որոնք հեշտ են յուրացվում։ Ի տարբերություն այլ յուղերի՝ չորանալիս այն դեմքի վրա չի ստեղծում յուղոտ թաղանթ։
Ձիթայուղ
Սա ունիվերսալ միջոց է։ Այն նախատեսված է և ներքին, և արտաքին օգտագործման համար։ Ձիթայուղն ավելի շատ խոնավեցնում է, քան սնուցում մաշկը։ Բացի այդ, այն համարվում է բազային և կարելի է կիրառել այլ կոսմետիկ միջոցների հետ մեկտեղ։ Օրինակ, մի քանի կաթիլ ավելացնել գիշերային քսուքին։
Նշի յուղ
Նուշ ևս մի մթերք է, որից անվերջ կարելի է օգուտ ստանալ։ Այն հարուստ է սպիտակուցներով և յուղերով, որոնք ներսից սնուցում են օրգանիզմը։ Բացի այդ, նուշը պարունակում է վիտամիններ, կալցիում և այլ միներալներ, որոնք արտաքինից սնուցում են մաշկը։ Այս յուղն ունի սպիտակեցնող էֆեկտ։
Մասուրի յուղ
Մասուրի յուղը պարունակում է ավելի քան 15 տեսակի յուղաթթու։ Յուղը լավացնում է էպիդերմիսի պաշտպանիչ շերտը։ Այն նաև հարուստ է վիտամին А և С-ով։ Մասուրի յուղը սնուցում է մաշկը թթվածնով և պաշտպանում ազատ ռադիկալներից։
Դեղձի յուղ
Դեղձի յուղի մեջ պարունակվող վիտամին А-ն և Е-ն բարձրացնում են մաշկի ձգությունը, խոնավեցնում և հարթեցնում։ Մաշկը դառնում է հաճելի և հարթ։
