Կարկադեն ամրացնում է արյունատար անոթները, նպաստում է արյան ճնշման իջեցմանը, արյան մեջ խոլեստերինի մակարդակի նվազմանը, ունի հակաբակտերիալ հատկություններ, բարենպաստ կերպով է ազդում լյարդի և ենթաստամոքսային գեղձի ֆունկցիաների վրա, օժտված է հակաալերգիկ ակտիվությամբ, պաշտպանում է ալկոհոլի տոքսիկ ազդեցությունից:
Ըմպելիքը խորհուրդ է տրվում ցանկացած տարիքի անձանց, քանի որ հագեցնում է ծարավը, կարգավորում ախորժակը և լավացնում մարսողությունը:
Սառը վիճակում կարկադեն իջեցնում, իսկ տաք վիճակում բարձրացնում է արյան ճնշումը: Թեյը պարունակում է վիտամինների կոմպլեքս, անփոխարինելի ամինաթթուներ:
Կարկադեն լավացնում է տեսողությունը, ազատում է աչքերի հոգնածությունից, օգնում է մաքրել օրգանիզմը՝ լավացնելով նյութափոխանակությունը: Բարձրացնում է լյարդի պաշտպանությունը:
Ահա թե ինչպես պատրաստել կարկադեն՝ ավելի հագեցած և առողջարար ըմպելիք ստանալու համար: Մի քանի թ.գ. կարկադեն թրմել փակ կափարիչի տակ՝ մոտ 10-15 րոպե: 1թ.գ. կարկադեին ավելացնել 1 բաժակ եռման ջուր: Թեյը պետք չէ պատրաստել մետաղական թեյնիկի մեջ, միայն ապակե կամ կերամիկական տարայի մեջ, այլապես ըմպելիքը կկորցնի համն ու գույնը:
Ճիշտ պատրաստված ըմպելիքն ունենում է մաքուր, կարմիր գույն:
