Ոչ մեկի համար գաղտնիք չէ, որ տարիքի հետ ավելի է դժվարանում ավելորդ քաշից ազատվելը: Եվ արտաքին տեսքը միակ խնդիրը չէ: Հաճախ ճարպի բարձր մակարդակի պատճառով ի հայտ են գալիս նաև այլ առողջական խնդիրներ.
- սրտանոթային հիվանդություններ
- դիաբետ
- քաղցկեղ
Ահա մի քանի ունիվերսալ խորհուրդ, որոնք կօգնեն ազատվել ավելորդ քաշից: Սա խորհուրդ են տալիս մասնագետները:
Ավելացնել ֆիզիկական ծանրաբեռնվածությունը
Փորձագետները խորհուրդ են տալիս կանոնավոր կերպով կատարել ֆիզիկական վարժություններ, նաև շատ շարժվել: Շարժումները տոնուս են հաղորդում մարմնի հյուսվածքներին, իսկ դա լավացնում է նյութափոխանակությունը, նպաստում է ճարպի այրմանը:
Փոքրացնել ընթրիքի չափը
Եթե երեկոյան քիչ կալորիա օգտագործեք, ավելի հեշտ կկարողանաք նիհարել, նաև պահպանել լավ կազմվածքը:
Շատ սպիտակուց օգտագործել
Սպիտակուցով հարուստ սնունդը օգնում է կառուցել մկանային կարկասը, իսկ մկանները նպաստում են ճարպի այրվելուն: Շատ կերեք միս, ձու, ձուկ, կաթնամթերք:
Խուսափեք ջրազրկումից
Բավարար հիդրատացիան լավացնում է մարմինը սննդանյութերով, վիտամիններով և միներալներով հագեցնելու գործընթացը, ինչը շատ կարևոր է ակտիվ նյութափոխանակության համար: Կարևոր կանոն է՝ խմել մաքուր, առանց շաքարավազի ջուր, թեյ կամ խոտաբույսերով թուրմեր:
Լիարժեք քնել
Լավ քունը կարևոր է օրգանիզմի համար: Այն նպաստում է հորմոնալ դաշտի կարգավորմանը, թույլ չի տալիս, որ արտադրվեն սթրեսի հորմոններ:
Հրաժարվել տապակած ուտելիքից
Տապակած ուտելիքի օգտագործումն ու քաշի ավելացումը ուղղակիորեն կապված են: Մարսողական համակարգի համար ծանր գործ է տապակած սնունդ մարսելը, և այն յուղի բարձր պարունակության պատճառով հիմնականում վերածվում է ավելորդ քաշի և կուտակվում է որովայնի շրջանում:
