Կիևի մարզում գտնվող Վասիլկովի ռազմական օդանավակայանի վրա հարձակման հետևանքով Ռուսաստանի զինված ուժերը շարքից հանել են Ուկրաինայի ռազմաօդային ուժերի ավիացիայի և հակաօդային պաշտպանության նախազգուշացման և վերահսկման կենտրոնը, հայտնել է ՊՆ պաշտոնական ներկայացուցիչ, գեներալ-մայորը Իգոր Կոնաշենկովը: Նրա խոսքով՝ զինվորականները հարձակվել են նաև Նիկոլաևի արվարձանում գտնվող Բալովնոյե օդանավակայանի վրա՝ ոչնչացնելով ինքնաթիռների կայանատեղին և վառելիքի պահեստավորման կետը։ Բացի այդ, Կոնաշենկովը հայտարարել է Կոնստանտինովկայում (Նիկոլաևի շրջան), Սլավուտայում (Ռիվնեի շրջան) և Տերնոպոլում վառելիքի պահեստարանների ոչնչացման մասին։ «Այդ օբյեկտներից վառելիք է մատակարարվել ուկրաինական զորքերի խմբերին Նիկոլաևի և Դոնեցկի ուղղություններով»,- հավելել է պաշտպանության գերատեսչության ներկայացուցիչը։ |