Ադրբեջանական լրատվամիջոցները հայտնում են ՀՀ քաղաքացի Նարեկ Սարդարյանի ձերբակալման մասին: Report-ի հաղորդմամբ՝ Նախիջեւանի հետ սահմանին ադրբեջանական զորքերի կողմից ձերբակալվել է Հայաստանի 30-ամյա քաղաքացի Նարեկ Սարդարյանը: Խնձորեսկի գյուղապետարանի ֆեյսբուքյան էջն էլ տեսանյութ է հրապարակել ու գրել.
Սիրելի՛ Խնձորեսկցիներ, Նարեկը ողջ է. բոլորս էլ գիտակցում ենք, որ տեսաձայնագրությունն իրականության հետ կապ չունի, նա ստիպված է ասել այն, ինչ իրեն պարտադրել են: Նարեկը կվերադառնա իր ընտանիք. նրա ծնողները, կինը, երկու տղաները, և բոլորս սպասում ենք: Աստված մեծ է:
