«Միջնորդության բովանդակությանը ծանոթ չեմ, բայց մի բան կարող եմ ասել,
որ այս ամենը քաղաքական հետապնդում է, որովհետև այն, ինչը մեղսագրվում է Գագիկ Ծառուկյանին,
ենթադրվում է, որ եթե իշխանությունները, այդ թվում՝ իրավապահ համակարգը, իրենց դիրքերում են, ուրեմն այս մասին վաղաժամ պետք է իմանային և ընթացք տային։
Ես արդեն պատահականություն չեմ համարում այս ամենը։ Հայաստանում ժողովրդավարության մասին անգամ խոսք լինել չի կարող։
Երեկ տեսանք ժողովրդի նկատմամբ ինչ անհամաչափ ուժ կիրառվեց։
Ես առողջական վիճակից ելնելով՝ չեմ մասնակցի վաղվա արտահերթ նիստին, չգիտեմ ինչ որոշում է կայացվելու»,-
ԳԱԼԱ-ի հետ զրույցում հայտարարեց ԲՀԿ խմբակցության պատգամավոր Գևորգ Պետրոսյանը՝ անդրադառնալով գլխավոր դատախազ
Արթուր Դավթյանի միջնորդությանը, ըստ որի՝ Գագիկ Ծառուկյանին զրկում են պատգամավորի անձեռնմխելիությունից։
ԲՀԿ-ական պատգամավորների կարծիքով՝ երեկվա կատարվածը քաղաքական որոշում է,
քաղաքական պատվեր և ուղղակիորեն պատասխան օրեր առաջ ԲՀԿ խմբակցության ղեկավարի հայտարարություններին։
