Արդյո՞ք փորձել եք պատրաստել նրբաբլիթները որևէ հետաքրքիր միջուկով: Այսօր ներկայացնում ենք հանճարեղ բաղադրատոմս, որը չի կարող դուր չգալ որևէ մեկին:
Անհրաժեշտ բաղադրիչներ.
- ալյուր՝ 1 բաժակ
- կաթ՝ 250մլ
- ջուր՝ 1 բաժակ
- ձու՝ 4 հատ
- աղ՝ 1թ.գ.
- ձեթ՝ 2ճ.գ.
- խոզապուխտ՝ 250գ
- սունկ՝ շամպինյոն՝ 200գ
- սոխ՝ 1 հատ
- խիտ թթվասեր՝ 1 բաժակ
- քերած պանիր
Պատրաստման եղանակ.
Սկզբում պատրաստել խմորը:
Ալյուրին ավելացնել աղ, ձու, ձեթ, խառնել: Լցնել կաթն ու ջուր, կրկին լավ խառնել:
Պատրաստել միջուկը:
Կտրատել սոխը, տապակել, ավելացնել կտրատած սունկը, շոգեխաշել 10 րոպե: Կտրատել խոզապուխտը, ավելացնել սնկին, լցնել թթվասերը և եփել 5 րոպե:
Սկսել թխել նրբաբլիթները: Տաքացրած թավայի մեջ հերթականությամբ թխել բարակ շերտերը:
Պատրաստի շերտերի վրա մի գդալ միջուկ դնել և փաթաթել: Դնել տապակի մեջ, քերած պանիր լցնել և թխել տաքացրած ջեռոցում՝ 200 ջերմաստիճանի ներքո, մինչ կարմրելը: Կամ կարող եք ուղղակի տապակել կարագի մեջ՝ առանց պանիր ավելացնելու:
Բարի ախորժակ:
