Սահակաշվիլին ծեծկռտուքի ընթացքում կոտրել է թոշակառուի ձեռքը

INSPIRATION

Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլին Օդեսայում ՝ դատարանի շենքի մոտ վեճի ընթացքում, կոտրել է տարեց կնոջ ձեռքը։ Այս մասին հայտնում է տեղի Odessit.ua պորտալը։

Հաղորդվում է, որ Սաակաշվիլին իր կողմնակիցների հետ պիկետ էր կազմակերպել դատարանի շենքի մոտ, որտեղ ընթերցվում էր քաղաքապետ Գենադի Տրուխանովի կողմից «Կրայան» գործարանի անօրինական գնման մասին գործով դատավճիռը։

Ակցիայի ընթացքում Սաակաշվիլին վեճի և ծեծկռտուքի մեջ է մտել իր ընդդիմախոսների և քաղաքապետի թիկնապահների հետ՝ հարվածելով մի թոշակառու կնոջ։ Վերջինս ընկել է և կոտրել ձեռքը, ինչից հետո հոսպիտալացվել է։

Ուկրաինական մյուս ԶԼՄ-ները ևս հայտնում են Սաակաշվիլիի մասնակցությամբ դատարանի շենքի մոտ տեղի ունեցած քաշքշուկի մասին, սակայն տիկնոջ՝ վնասվածքներ ստանալու դրվագը չի հիշատակվում։

Հիշեցնենք, որ Զելենսկին Սաակաշվիլիին էր վերադարձրել քաղաքացիությունը մայիսի 28-ին, հաջորդ օրը քաղաքական գործիչը վերադարձել էր Ուկրաինա։

(Visited 57 times, 64 visits today)
Оцените статью