Համլետ Աբրահամյանի կեժոշտ և դիպուկ պատասխանը Արփինե Հովհաննիսյանին…

INSPIRATION

Իմ ընկեր շատ հարգելի Հենզելը

գթասիրտ մարդ է, իմ պես չար ու անողոք չէ որ մարդկանց կոչի իրենց արժանի անուններով ու որակումներով։

2 ժամ
Ի պատասխան Արփինե Հովհաննիսյանի վարչապետին ուղղված բաց նամակի:

Տիկին, կարդացի Ձեր սարկազմով «համեմված» աբիժնիկի պամֆլետը: Ձեզ խիստ հուզել է վարչապետի օգտագործած «ձախողված» եզրույթը, բայց դուք հուզվելու փոխարեն դուրս եկեք փողոց և հարցրեք մարդկանց կարծիքը և նրանք Ձեզ հստակ կպատասխանեն, թե անցյալ տասնամյակների ընթացքում մեր երկիրը «ձախողված» է եղել, թե «խոցելի»:

Նրանք թքած ունեն Ձեր միջազգային ինդեքսների վրա, քանի որ կենդանի վկաներն են այդ ձախողման:

Դուք ըստ երևույթին շատ եք սիրում ինդեքսներ և խոսում եք նաև այլ «ինդեքսների» մասին:

Դուք գրում եք՝ «2019 թվականի ԻՆԴԵՔՍՈՎ, այսինքն՝ Ձեր «մարդակենտրոն» կառավարության (պետք է ենթադրել, որ ըստ երևույթին նախորդի կառավարությունը Ձեզ համար «մարդասփյուռ» էր ) իշխանության օրոք, Հայաստանից ուղեղների արտահոսքը հասել է 7 տարվա մաքսիմումին։

Այնուհետև շարունակում եք Ձեր «ինդեքսամանյան».
«Մեկ այլ թիվ՝ գործող քաղաքական ուժին տրվող ԻՆԴԵՔՍԸ, (գիտականորեն՝ էլիտաների նկատմամբ վերաբերմունքը) մնացել է նույնը։

Փաստորեն, ի հեճուկս բոլոր պնդումների` իշխանափոխության գործոնը, կարծես թե, մեծ ազդեցություն չի ունեցել»:

Հարցեր են ծագում.
Նախ և առաջ, ի՞նչ եք հասկանում « Հայաստանից ուղեղների արտահոսք» ասելով: Մեկնողներից ո՞վ է Ձեզ համար «ուղեղ» և ո՞վ է, թույլ տվեք ասել՝ «ոչ ուղեղ»:

Ո՞րն է Ձեր դասակարգման չափանիշը և ապա ինչու՞ եք կարծում, որ այդ արտահոսքը Նիկոլ Փաշինյանի իշխանության օրոք «հասել է 7 տարվա մաքսիմումին»:

Այս ի՞նչ վիճակագրություն է և ո՞րն է այդ վիճակագրության աղբյուրը:
Ձեր հաջորդ ԻՆԴԵՔՍԸ, որին Դուք «գիտականորեն» անվանում եք «էլիտաների նկատմամբ վերաբերմունք», ամբողջովին, մեղմ ասած՝ անհասկանալի է:

Ընդ որում գրում եք «մեկ այլ թիվ» և ոչ մի թիվ էլ չեք բերում: Շատ հետաքրքիր է իմանալ թե որն է «վերաբերմունքի» չափման միավորը:

Մեծարգո տիկին, չեմ ուզում շարունակել, որովհետև եթե շարունակեմ, կարող է Ձեզ նեղացնեմ, իսկ ես չեմ սիրում կանանց տհաճ բաներ ասել:

 

Չեմ կարող, սակայն Ձեզ չասել, որ կարդալով Ձեզ, ես այն տպավորությունը ստացա, որ «ձախողվածը» հենց Դուք եք և Ձեզ համար այնքա՜ն թանկարժեք «նախկինները»:

Համլետ Աբրահամյան

 

Оцените статью