«Կարմիր բլուր»-ում գերեզմանները պղծելու կասկածանքով կին է բերման ենթարկվել․ Մանրամասներ

INSPIRATION

Երեկ Երևանի քաղաքապետարանի տեղեկատվության վարչության պետ Հովսեփ Կուբատյանը ֆեյսբուքյան էջում գրել էր.

«Վերջին մի քանի օրերին համայնքային «Կարմիր բլուր» գերեզմանատանը կրկնվել են գերեզմանների պղծման դեպքերը։ «Բնակչության հատուկ սպասարկում» ՀՈԱԿ-ի տնօրինությունը դիմել է ոստիկանություն»։

Դեպքի վերաբերյալ ոստիկանության լրատվական վարչությունից Նարեկ Սարգսյանը АrmDaily.am-ի հետ զրույցում ասաց, որ մեկ քաղաքացուհի կասկածանքով բերման է ենթարկվել ոստիկանություն, հանգամանքները պարզվում են։

Արդյոք բերման ենթարկվածը նույնն կին է, ով կասկածվում է Եռաբլուրում և բազմաթիվ այլ գերեզմաններում շիրմաքարեր պղծելու մեջ, ոստիկանությունից հայտնել չեն կարող։

Հիշեցնենք, որ օրեր առաջ գերեզմանների պղծման դեպքեր էին գրանցվել Եռաբլուրում և տարբեր գերեզմանոցներում։ Շիրմաքարերը պղծելու կասկածանքով ոստիկանությունը բերման էր ենթարկվել Երեւանի 51–ամյա մի բնակչուհի։ Հանգամանքները պարզվում են, գործը արդեն ռազմական ոստիկանության տիրույթում է։

(Visited 234 times, 234 visits today)
Оцените статью