Թամարա Մելքոնյանը ֆեյսբուքյան իր էջում գրում է․ Անկեղծ ասած նայում եմ էս նկարին ու սիրտս ցավում է վարչապետի համար… Երեկ լսեցի իր զրույցը , մի քիչ ըմբոստացա, մի քիչ զայրացա, նաև որպես մայր խղճացի վարչապետին․․․
Ես երբեք կուրորեն չեմ սիրել ինչ-որ մեկին, միակ մարդը որին պաշտել ու պաշտում եմ Հայրս է , սակայն պաշտել, սիրել եմ ոչ կուրորեն, պարզ տեսել և գիտակցել եմ, որ հայրս ունեցել է նաև բացասական կողմեր, այնպես որ Ձեզ սիրում եմ, քանի որ երախտամոռ չեմ, Ձեզ գնահատում եմ , քանի որ մեզ հանեցիք քաքի հորից, չեմ ամաչում այս բառիս համար․․․
Ի՞նչու բարկացա, քանի որ վարչապետը, չգիտես ինչու, թավիշին հակադրում է վենդետան ու բռնությունը և ինքս ինձ հարց եմ տալիս, միթե՞ թավիշի հակառակը դա է , իհարկե ոչ!!!!
Հարգելի վարչապետ, կա մարդու մի տեսակ, որ գող է, հոգով փնթի է, ստոր , քծնող եւ երախտամոռ է և հետևաբար էս տեսակ մարդուն մարդկայնորեն չեն վերաբերվում, նրանք դա չեն հասկանում, ընդունում են մարդկայնությունը որպես թուլություն։
Եւ ուրեմն վերաբերվեք նրանց հետ ըստ արժանավույն, բավական է արդեն, էլ նյարդեր չունենք, շանս մի տվեք չմարդին , տմարդին և հատկապես էն մարդկանց, ովքեր մեզ գարուններ, գողացած ճակատագրեր, գողացած կյանքեր են պարտք,,,
Ծերացաք այս 2 տարում, առանց հուզվելու չի լինում Ձեզ նայել, այս 30 տարվա փորած փոսը տիտանիկ ուժերով էլ լցնել չի լինի, Ձեր շրջապատում մի 5 հոգի հավատարիմ և աշխատող կա։
Մնացածը իրենց տեղում չեն, մենք տեսնում ենք․․․ Ձեզ խնայեք մեզ համար, քանզի Աստված չանի սրանք վերադառնան, կհոշոտեն 1-ին հերթին Ձեզ, հետո մեր վրայով կանցնեն ու չեն էլ մտածի, մենք դա տեսել ու ապրել ենք․․․ ՀԳ․ ՔՈ-ի անդամները հրաշալի են, իրենք Ձեզ կօգնեն։
