Կաթնաշոռով այս թխվածքաբլիթները, որոնց բաղադրատոմսն է այսօր առաջարկում EnterTrain-ը, պարզապես հալչում են բերանում։
Իսկ ձմռանը տաք թեյի հետ դրանք վայելելն իսկական երջանկություն է։
Անհրաժեշտ բաղադրիչներ
- 250 գրամ կաթնաշոռ
- 200 գրամ ալյուր
- 100 գրամ բրնձի կամ նուշի ալյուր
- 180 գրամ կարագ
- 150 գրամ շաքարավազ
- 2 ձու
- 0,5 բաժակ նուշի թերթիկներ
- 1 թ․գ շաքարի փոշի
- 0,5 թ․գ․ սոդա
- 0,5 թ․գ․ աղ
Պատրաստման եղանակը
1. Հալեցրեք կարագը, լցրեք թասի մեջ, ավելացրեք շաքարավազն ու խառնեք։
2. Խառնուրդին ավելացրեք ձվի դեղնուցը։
3. Առանձին խառնեք մաղած ալյուրը և բրնձի (նուշի) ալյուրը, սոդան և աղը։ Խառնեք երկու զանգվածները։
4. Կաթնաշոռը բլենդերով հարեք և ավելացրեք մնացած զանգվածին, խմոր հունցեք։
5. Խմորը բացեք 5-7 մմմ հաստությամբ և սրտաձև կտրատեք։
6. Յուղաթուղթ փռեա և սրտիկներն իրար կողք դասավորեք տապակի մեջ իրարից 2 սմ հեռավորության վրա։
7. Սրտիկների վրա ձու քսեք և նուշի թերթիկներ ավելացրեք։
8. Թխեք 10 րոպե 200 աստիճանի տակ։
9. Սառեցրեք և վրան շաքարի փոշի ցանեք։
