Թալիբների իշխանության օրոք երկիրը ղեկավարելու է թալիբների խորհուրդը: Երկրի բարձրագույն ղեկավարը լինելու է «Թալիբանի» առաջնորդ Հայբաթուլլահ Ախունդզադան։
«Թալիբան» շարժման բարձրաստիճան ներկայացուցիչ Վահիդուլլահ Հաշիմին հայտարարել է, որ Աֆղանստանը ժողովրդավարական երկիր չի լինելու, այնտեղ իշխելու են շարիաթի օրենքները։
«Մենք չենք բանավիճելու այն հարցի շուրջ, թե քաղաքական ինչ համակարգ է պետք Աֆղանստանին, քանի որ այդ հարցի պատասխանը հստակ է՝ գործելու են շարիաթի օրենքները», — ասել է նա։
«Թալիբանի» ներկայացուցչի խոսքով՝ իրենց իշխանության օրոք Աֆղանստանը ղեկավարելու է թալիբների խորհուրդը: Երկրի բարձրագույն ղեկավարը լինելու է «Թալիբանի» առաջնորդ Հայբաթուլլահ Ախունդզադան, ով ավելի բարձր դիրք է գրավելու, քան թալիբների խորհրդի ղեկավարը։
Աֆղանստանում իրավիճակը հատկապես սրվել է վերջին շաբաթներին՝ խոշոր քաղաքների վրա թալիբների հարձակմամբ (շարժումը ճանաչվել է ահաբեկչական և արգելված է ՌԴ-ում): Օգոստոսի 15–ին ԶԼՄ-ները հայտնել են, որ ապստամբները վերահսկում են բոլոր սահմանային անցակետերը։
Ավելի ուշ գրոհայինները հայտարարել էին, որ մտել են Քաբուլ և վերահսկողության տակ վերցրել նախագահական պալատը։
Աֆղանստանի նախկին նախագահը երկրից փախչելիս գանձապետարանից 169 մլն դոլար է գողացել
Աֆղանստանի նախագահ Աշրաֆ Ղանին հայտարարել է, որ լքել է երկիրը, «որպեսզի կանխի արյունահեղությունը»:
Օգոստոսի 16–ի գիշերը «Թալիբանի» քաղաքական կազմակերպության պաշտոնական ներկայացուցիչ Մուհամեդ Նաիմը հայտարարել է, որ Աֆղանստանում պատերազմն ավարտված է, իսկ երկրում կառավարման ձևը պարզ կդառնա մոտ ժամանակներս:
