Ադրբեջանական «Azadlıq» թերթը մեջբերել է քառասունչորսօրյա օկու պացիոն պատերազմի մասնակից Գյուլու Մամեդլիին, ով հայտարարում է, որ Ադրբեջանի կառավարությունը խաբել է պատերազմի մասնակիցներին՝ չտալով խոստացածի նույնիսկ չնչին մասը, փոխանցում է Infoteka24-ը:
Մասնավորապես, Գուլու Մամեդլին նշում է, որ պատերազմից վերադառնալուց կարճ ժամանակ հետո պատերազմի գրեթե բոլոր մասնակիցները գրանցվել են զբաղվածության բաժիններում, որտեղ նրանց խոստացել են տրամադրել քսան գլուխ մանր որոճող և երկու խոշոր եղջերավոր անասուն: Բայց, անցել է համարյա մեկ տարի, նրանք նույնիսկ մրջյուն չեն
տվել: Մամեդլին գրել է. «Չեք տալիս, մի՛ տվեք, բայց ինչո՞ւ եք ծաղրում նման մարդկանց: Կենդանիների նախիրները մնացել են Արցախում, ո՞ւր են ուղարկվել այդ կենդանիները: Ամեն դեպքում, դուք կարող եք ստացվածը բաժանել կարիքավոր ընտանիքներին:
Նրանք խոստացել են վետերաններին տալ ութսուն մանաթ և դրանից նույնպես նորություն չկա: Ոչ ոքի չի տրվում այդ կարգավիճակը: Ես ինձ համար ոչինչ չեմ ուզում, նույնիսկ
եթե ինչ-որ բան տրվել է, ես ներողություն եմ խնդրում: Սակայն մարդկանց աշխատանքը այս կերպ գնահատելը շատ անպատշաճ մոտեցում է պատերազմական պայմաններում ապրող երկրի համար»:
