Շատ հետաքրքիր և յուրահատուկ բաղադրատոմս ենք առաջարկում։ Պատրաստելով սա ձեր մտերիմների համար՝ նրանց հաճելիորեն կզարմացնեք։
Անհրաժեշտ բաղադրիչներ․
- կարտոֆիլ՝ 2 հատ
- գազար՝ 1 հատ
- աղացած միս՝ խոզի կամ հավի, 300գ
- սխտոր՝ մի պճեղ
- աղ՝ 5գ
- կարմիր և սև պղպեղ
Սոուսի համար․
- տոմատի մածուկ՝ 20գ
- ջուր՝ 200գ
- թթվասեր՝ 40գ
- աղ՝ 0,5թ․գ․
- ցանկացած համեմունքներ
- սոխ՝ 1 հատ
Պատրաստման եղանակ․
Մաքրած գազարն անցկացնել քերիչով և տեղափոխել խորը տարայի մեջ։ Քերել նաև կարտոֆիլը, լցնել քամիչի մեջ, և երբ ավելորդ հեղուկը դուրս գա, միացնել գազարի հետ։
Ավելացնել աղացած միսը, ճզմել սխտորը, համեմել աղով, պղպեղով։ Լավ խառնել։
Կոտլետներ ձևավորել։
Թավայի մեջ ձեթ լցնել, տաքացնել և ուժեղ կրակի վրա տապակել կոտլետները՝ մինչ ոսկեգույն կեղև կառաջա։ Դա տևում է 5-6 րոպե։
Այժմ պետք է պատրաստել սոուսը․ տոմատի մածուկը լուծել 1 բաժակ ջրի մեջ։
Մանր կտրատած սոխը տապակել, ավելացնել սոուսը, թթվասերը, համեմունքներ և աղ։
Սոուսի մեջ դնել կոտլետները և եփել փակ կափարիչի տակ՝ մոտ 25-30 րոպե։
Բարի ախորժակ։