Տորթը ստացվում է խրթխրթան և շատ արագ է պատրաստվում՝ միայն հասանելի և պարզ բաղադրիչներից։
Անհրաժեշտ բաղադրիչներ․
- կարագ, սառը վիճակում՝ 270գ
- ալյուր՝ 440գ
- ջուր՝ 175գ
- քացախ՝ 20գ
- աղ՝ մի պտղունձ
կրեմի համար․
- խտացրած կաթ՝ 1 տուփ
- կարագ՝ 400գ
Պատրաստման եղանակ․
Կարագը կտրատել մանր կտորների։
Ալյուրը լցնել կարագի վրա, ավելացնել աղը, քացախը և ջուրը, ձեռքերով խառնել և խմոր հունցել։ Խմորին գնդիկի ձև տալ, փաթաթել տոպրակով և ուղարկել սառնարանը։ Թողնել 30 րոպե։
Սեղանին ալյուր ցանել և գրտնակել խմորը՝ 1 սմ հաստությամբ։
Ծրարի պես ծալել և ևս մի անգամ գրտնակել, նորից ծալել՝ գրտնակել։ Կրկնել պրոցեդուրան 4 անգամ, վերջին ծրարը փաթաթել տոպրակով և թողնել սառնարանում 1 ժամ։
Խմորը կտրել 8-9 մասի, յուրաքանչյուրը բարակ գրտնակել և ծակծկել պատառաքաղով։
Թխել կորժերը 200 ջերմաստիճանի ներքո՝ նախօրոք տաքացրած ջեռոցում, մինչ ոսկեգույն դառնալը։ Անհավասար ծայրերը կտրել և փշրել։
Կրեմի համար հարել փափկած կարագն ու խտացրած կաթը։
Հավաքել տորթը․ կորժերին կրեմ քսել և դնել միմյանց վրա։ Կրեմ քսել նաև կողքի հատվածներին, փշուրով պատել։ Թողնել սառնարանում մի քանի ժամ, ցանկալի է՝ ամբողջ գիշեր։
Բարի ախորժակ։
Նյութը հրապարակման պատրաստեց Arajininfo.ru կայք
