Սկեսուրս մեզ միշտ ուրախացնում է իր պատրաստած ուտեստներով և հատկապես կարկանդակներով։ Դրանք միշտ առանձնահատուկ են ստացվում՝ տարբեր միջուկների շնորհիվ։
Այսօր կիսվում եմ կաղամբով կարկանդակի բաղադրատոմսով։
Անհրաժեշտ բաղադրիչներ․
- ալյուր՝ 800գ
- ջուր՝ 420մլ
- խմորիչ՝ 12գ
- աղ՝ 1թ․գ․
միջուկի համար․
- կաղամբ՝ 2 կգ
- սոխ՝ 3 հատ
- չորացրած անանուխ 1/4 թ․գ․
- ցանկացած կանաչի
Պատրաստման եղանակ․
Խառնել խմորիչը գոլ ջրի հետ, ավելացնել ալյուրը, աղը, խմոր հունցել։ Ծածկել տոպրակով, սրբիչով և թողնել տաք տեղում, որ բարձրանա։
Այդ ընթացքում մանր կտրատել բանջարեղենը, տապակել ձեթով։
Ավելացնել անանուխը և աղը, շոգեխաշել՝ մինչ պատրաստ լինելը։
Մանր կտրատել կանաչին և խառնել կաղամբի հետ։
Խմորից փոքր կտորներ կտրել և ձեռքով հարթեցնել։
Միջուկ դնել, կարկանդակ ձևավորել և տապակել երկու կողմից՝ մեծ քանակությամբ տաքացած ձեթի մեջ։
Պատրաստի կարկանդակները դնել անձեռոցիկի վրա, որ ավելորդ ձեթը ներծծվի։
Բարի ախորժակ։
