Շոկոլադե բիսկվիթ՝ նուրբ շոկոլադե կրեմով, այն ձեզ միանշանակ դուր կգա։ Առավել ևս, որ շատ հեշտ է պատրաստվում։
Անհրաժեշտ բաղադրիչներ․
- ձու՝ 4 հատ
- շաքարավազ՝ 6ճ․գ․
- թթվասեր՝ 3ճ․գ․
- ձեթ՝ 0,5 բաժակ
- ալյուր՝ 9ճ․գ․
- կակաո՝ 5ճ․գ․
- փխրեցուցիչ՝ 2,5թ․գ․
- աղ՝ 0,25թ․գ․
կրեմի համար․
- փափուկ կաոնաշոռ՝ 400գ
- թթվասեր՝ 100գ
- խտացրած կաթ՝ 250գ
- կակաո՝ 5ճ․գ․
ջնարակի համար․
- սև շոկոլադ՝ 100գ
- կաթ՝ 4ճ․գ․
- կարագ՝ 60գ
կորժերը թրջելու համար․
- ջուր՝ 100մլ
- շաքարավազ՝ 50գ
- կոնյակ՝ 20գ
Պատրաստման եղանակ․
Տաքացնել ջեռոցը՝ մինչ 200 ջերմաստիճանի։
Խմորը պատրաստելու համար ալյուրը միացնել կակաոյի, փխրեցուցիչի, աղի հետ։
Ձուն հարել շաքարավազի, թթվասերի և ձեթի հետ, խառնել՝ մինչ միասեռ զանգված կստացվի։
Մաղելով լցնել ալյուրով խառնուրդը՝ հեղուկ զանգվածի մեջ և հարել՝ հարիչի ցածր արագությամբ։
Տապակը ծածկել յուղաթղթով և լցնել խմորը։
Թխել 10-15 րոպե։ Երբ սառի, հանել յուղաթուղթը և բաժանել բիսկվիթը 4 կորժի։ Եզրերը կտրել և փշրել։
Եփել օշարակը՝ նշված բաղադրիչներից և դրանով թրջել կորժերը։
Կրեմի համար խառնել թթվասերն ու կաթնաշոռը, ավելացնել կակաոն և խտացրած կաթը։ Խառնել փայտե գդալով և հետո հարել, որ օդային զանգված ստացվի։
Հավաքել տորթը․կորժերին հերթականությամն կրեմ քսել և դնել միմյանց վրա։
Պատրաստել ջնարակը՝ խառնելով նշված բաղադրիչները և եփելով։ Սառած ջնարակը լցնել տորթի վրա։
Մի քանի ժամ տորթը թողնել սառնարանում և մատուցել։
Բարի ախորժակ։
