Այսօր Զատկի չրերով չամիչով լավաշով փլավ ենք պատրաստելու, ներկայացնելու եմ իմ պատրաստման և մատուցման պարզ տարբերակը։
Contents
Զատկի չամիչով փլավ լավաշով Բաղադրիչները
- Չրեր և չամիչ — 100-ական գրամ
- Բրինձ — 200 գրամ
- Լավաշ — մի քանի կտոր
- Կարագ — 50 գրամ
Զատկի չամիչով փլավ լավաշով Բաղադրիչները
- Չիր ու չամիչի իսկական տոն է, այսօր մեր խոհանոցում
- Ինչքան չիր ունենք տանը այսօր կօգտագործենք՝ ծիրան, խնձոր, սալոր, անգամ բաղդադի քաղցր խուրման, թթու լավաշն ու դարչինի ձողերը մեզ այսօր հրաշալի փլավ ստանալու հնարավորություն կընձեռեն
- Լավ լվանանք բոլորը
- Մինչ այդ բրինձը դնենք խաշելու
- Այսօր վերցրել եմ 200 գրամ բրինձ մեկ բաժակ, որին երկու բաժակ եռման ջուր պետք կգա, ջուրը եռալուց հետո 1 թեյի գդալ աղ կանենք ջրի մեջ և բրինձը այդ ժամանակ կլցնենք․ սովորաբար երկար բրինձ եմ օգտագործում այս փլավի համար՝ այն հատիկ-հատիկ է մնում և գեղեցիկ է ստացվում
- Մինչ բրինձը կեփվի մենք չրերը կտրատենք, կարելի է և առանց կտրատել օգտագործել, բայց ես սիրում եմ մի փոքր մանրացված, շերտատված տարբերակով այս փլավի մեջ
- Զատկի սեղանին չամիչով փլավը ողջ մարդկության խորհրդանիշն է, որտեղ չամիչը՝ հավատացյալներն են, այդպես են ասում։ Չնայած մեր հին ավանդույթներից է նաև հարսանիքներին այս փլավը որպես տոնական ուտեստ մատուցելը
- Չամիչն էլ ավելացնենք, կարելի ցանկացած գույնի և ձևի չամիչ ավելցանել, գեղեցիկ կլիներ նաև սև երկար չամիչները
- Չիրն ու չամիչը ես ձիթայուղով չեմ տապակում, այլ համեղ փլավ կամ ուտեստներ ստանալու համար միշտ համեղ կարագ եմ օգտագործում
- Պրեզիդենտ կարագի կես տուփը լրիվ բավարար է՝ 100 գրամ այսինքն
- Վերջում նաև չմոռանամ ավելացնել դարչինի ձողերը, որը յուրահատուկ լրացուցիչ համ կփոխանցի
- Պարտադիր աղ ենք անում և դնում գազօջախին տապակվելու
- Արդեն այս ընթացքում մեր բրինձը խաշվեց, շատ պետք չէ խաշել մոտ 10 րոպեն լրիվ բավարար է
- Ջրքամենք, կարելի է մի փոքր սառը ջրով ցողել, հատիկները լրիվ առանձնացնելու համար
- Արդեն չիրն ու չամիչը լավ տապակվել են, ջրքամած բրինձը ես մի փոքր էլ տապակում եմ այս զանգվածի հետ
- Կարելի է և խաշած բրինձը բրգաձև լցնել ափսեի մեջ և կենտրոնում լցնել այս զանգվածը լավայի պես, բայց տապակվելով համը լրիվ այլ է ստացվում
- Փլավն ինքնին արդեն հաջողված է՝ այն մատուցելու գեղագիտական կողմը արդեն ամեն մեկը ինքն է որոշում, այսօր այսպես մատուցենք՝ կավե մատուցարանի մեջ լավաշ փռենք և փլավը լցնենք մեջը, կարելի է այն ջեռոցում մի տաս րոպե պահել, կավն էլ կտաքանա լավաշն էլ հաճելի կչորանա, այդպես այս փոքրիկ տարբերակով եմ արել, կարող եք և այս անգամ այսպես նորարար կերպով մատուցել, բոլորին մեկական փոքրիկ կավե ափսեով տաք-տաք վիճակում
- Կարելի է և ջեռոցից հանելուց հետո շուռ տալ և տորթ ստանալ լավաշե ծածկոցով
- Մի խոսքով մենք ազատ ենք մեր սեփական խոհանոցում մեր երևակայության հետ։