Այսօր ձեզ ենք ներկայացնում մի շատ փափուկ կաթնաշոռային դեսերտ։ Այն շատ հեշտ է պատրաստվում և շատ դժվար է այսպիսի քաղցրավենիքից խուսափելը։ Այն կարելի է պատրաստել, երբ ձեր հյուրերը առանց զգուշացնելու են եկել։
Ձեզ հարկավոր կլինի ընդամենը 30 րոպե այն պատրաստելու համար։ Այնպես, որ անպայման գրեք ձեզ մոտ այս հրաշալի բաղադրատոմսը։
Բաղադրիչներ՝
2 բաժակ ալյուր,
1,5 բաժակ շաքարավազ,
4 ճաշի գդալ թթվասեր,
4 ձու,
400 գրամ կանթաշոռ,
100 գրամ կարագ,
1 թեյի գդալ սոդա,
մեկ պտղունց աղ,
ըստ ցանկության՝ ընկույզ, չամիչ և այլն։
Ահա թե ինչպես կարելի է այն պատրաստել։ Հարեք ձուն շաքարի հետ։ Զանգվածը պետք է բաց գույն ստանա, իսկ շաքարը ամբողջովին պետք է հալվի։ Ավելացրեք ձվերին թթվասեր, կաթնաշոռ և հալեցրած կարագը, սոդա և աղը։
Բոլորը լավ խառնեք, իսկ հետո հարեք այն բլենդերով՝ մինչև միատարր զանգված ստանալը։ Ավելացրեք ալյուր և նորից լավ խառնեք։ Լցրեք խմորը ֆորմայի մեջ, պատեք խոհանոցային թղթով, դրեք 180 աստիճան տաքացրած ջեռոցը, թխելով 30 րոպե։
Թխելուց հետո թողեք թխվածքը սառի սկզվից ֆորմայի մեջ, իսկ հետո սրբիչի վրա։
