Հավատացնում ենք, որ կարկանդակները կգերեն ձեզ իր բույրով ու համոv: Խմորը ստացվում է փափուկ ու փքուն, իսկ միջուկը՝ հյութեղ ու ախորժելի:
Անհրաժեշտ բաղադրիչներ.
- ալյուր՝ 500գ
- չոր խմորիչ՝ 1թ.գ.
- կաթ՝ 250մլ
- ձու՝ 1 հատ
- կարագ՝ 100գ
- շաքարավազ՝ 1թ.գ.
- աղ՝ 1թ.գ.
միջուկի համար՝
- եփած հավի փափկամիս՝ 400գ
- լոլիկ՝ 1 հատ
- սոխ՝ 1 հատ
- քերած պանիր՝ 100գ
- մայոնեզ՝ 3ճ.գ.
- աղ, պղպեղ
Պատրաստման եղանակ.
Գոլ կաթին ավելացնել աղն ու շաքարավազը: Լցնել ձուն, չոր խմորիչն ու խառնել:
Այնուհետև մաս-մաս ավելացնել ալյուրը, փափկած կարագը և խմոր հունցել:
Խմորը տեղափոխել ալյուրոտ սեղանին և շարունակել հունցելը: Այն պիտի ստացվի ոչ կպչուն, հարթ ու փափուկ:
Խմորը դնել խորը տարայի մեջ ու ծածկել տոպրակով: Թողնել տաք տեղում՝ 1.5-2 ժամ:
Եփած հավի միսը մանրացնել, ավելացնել կտրատած սոխը: Լցնել մայոնեզը, աղն ու պղպեղը:
Խմորը գրտնակել՝ 3-4մմ հաստությամբ, ուղղանկյունների բաժանել՝ մոտ 9*12սմ կտորների:
Յուրաքանչյուր կտորի եզրին մի քանի կտրվածք անել: Առանց կտրվածքների եզրին դնել հավի մսով միջուկ, 1-2 կտոր լոլիկ և մի քիչ քերած պանիր: Փաթաթել ռուլետի պես և կարկանդակ ձևավորել: Ձու քսել և քունջութ ցանել:
Դնել տապակի մեջ և ուղարկել մինչ 170 ջերմաստիճանի տաքացրած ջեռոցը, թխել 30-35 րոպե:
Բարի ախորժակ: