Պատրաստելով այս թխվածքը՝ կրկին կհամոզվեք, որ այն լավագույններից մեկն է։
Անհրաժեշտ բաղադրիչներ․
- կարագ՝ 100գ
- շաքարավազ՝ 120գ
- ձու՝ 3 հատ
- մեղր՝ 250գ
- քացախով մարած սոդա՝ 1թ․գ․
- ալյուր՝ 350գ
կրեմի համար․
- սերուցք 33%-35%՝ 500մլ
- թթվասեր 30% — 40%՝ 750գ
- շաքարի փոշի՝ 120գ
- վանիլին
- սերուցքի խտացուցիչ
Պատրաստման եղանակ․
Բացի ալյուրից բոլոր բաղադրիչները լցնել փոքր կաթսայի մեջ և դնել եռացող ջրով կաթսայի վրա։
Կաթսայի պարունակությունն անդադար խառնելով՝ տաքացնել։ Հենց ամեն ինչ հալվի, եփել 5 րոպե և հանել կրակից։
Աստիճանաբար ավելացնել ալյուր՝ անդադար խառնելով։ Թույլ խմոր է ստացվում։ Խմորով կաթսան պետք է ծածկել կափարիչով և թողնել սառնարանում՝ 8-12 ժամ։ Հարմար է խմորը պատրաստել երեկոյան, իսկ առավոտյան թխել կորժերը։
Խմորը բաժանել 8 հավասար մասերի, թողնել 2-3 կտորը, մնացածը պահել սառնարանում, որպիսի դրանք չհասցնեն փափկել, մինչև թխվում են առաջինները։
Խմորը գրտնակել յուղաթղթի վրա, որին նախօրոք ալյուր եք ցանել։ Գրտնակելու ընթացքում անհրաժեշտ է քիչ-քիչ ալյուր լցնել, քանի որ խմորը շատ փափուկ է։
Պետք է թխել 3 թղթի վրա․ մինչ թխվում է առաջինը, նախապատրաստեք մյուս 2 կորժերը։
Կտրել կորժը 25սմ տրամաչափով ափսեի օգնությամբ, իսկ կողքի մասերը պահել՝ թխվածքը զարդարելու համար։
Կորժերը թխել 180 ջերմաստիճանի ներքո՝ 5 րոպե։
Թխել խմորի բոլոր կտորները։
Կրեմի համար հարել սառեցրած սերուցքը՝ 1-2 րոպե, աստիճանաբար ավելացնել վանիլին և 2 տուփ խտացուցիչ, կարելի է նաև առանց դրա։
Առանձին հարել թթվասերը՝ ավելացնելով շաքարի փոշին, խառնել սերուցքի հետ և խառնել գդալով։
Վերջ, կրեմը պատրաստ է, արդեն կարելի է հավաքել տորթը։
Կրեմ քսել բոլոր շերտերին, իսկ վերջում էլ պատել փշուրով։
5-6 ժամ պահել սառնարանում և վայելել։
Բարի ախորժակ։