Առաջարկում ենք պատրաստել հավի մսով նոր հետաքրքիր աղցան, որի համար պահանջվում են հաշված բաղադրիչներ։
Անհրաժեշտ է․
- երկար բրինձ, կես բաժակ
- հավի կրծքամիս՝ 2 հատ
- գազար՝ 2 հատ
- վարունգ՝ 2 հատ
- սոխ՝ 1 հատ
- ձու՝ 3 հատ
- մայոնեզ, հազարի տերևներ, սամիթ
Պատրաստման եղանակ․
Բրինձը եփել աղով ջրի մեջ, քամել և թողնել, որ սառի։ Գազարն անցկացնել քերիչով։ Տաքացնել ձեթը և տապակել գազարը։ Սառեցնել։
Միսը եփել։
Ձուն խաշել և մաքրել։
Ձևավորել աղցանը․ հերթականությամբ դնել շերտերը՝ յուրաքանչյուրի վրա մայոնեզից ցանց անելով։
- առաջին շերտ՝ հազարի տերևներ, բրինձ
- երկրորդ շերտ՝ հավի կրծքամիս, մանր կտրատած
- երրորդ շերտ՝ խորանրդաձև կտրատած սոխ
- չորրոդ շերտ՝ գազար
- հինգերորդ շերտ՝ խորանարդաձև կտրատած վարունգ
Ձվի սպիտակուցը բարակ գծիկների կտրատել և երիցուկի պես դնել վարունգի շերտի վրա; Դեղնուցի կեսից պատրաստել երիցուկի միջուկը։ Մանր կտրատած սամիթով զարդարել ընդհանուր աղցանը։
Բարի ախորժակ։