Ներկայացնում ենք շատ համեղ և հետաքրքիր թխվածքի բաղադրատոմս՝ առանց որևէ միջուկի և զարդարանքի։
Անհրաժեշտ բաղադրիչներ․
- 4 ձու
- 300գ շաքարավազ
- 100գ հալացրած կարագ
- 200գ թթվասեր
- 1թ․գ․ մարած սոդա
- 500գ ալյուր
- 2ճ․գ․ կակաո
Պատրաստման եղանակ․
Առաջին հերթին միացնել ձուն և շաքարավազը։ Հարիչի ամենաբարձր արագությամբ հարել՝ մոտ 5 րոպե։
Ավելացնել թթվասերը ւ լավ խառնել։
Ավելացնել հալացրած կարագը և մարած սոդան։ Կրկին հարել։
Մաս-մաս լցնել ալյուրը, խառնել։ Պատրաստի խմորը բաժանել երկու հավասար մասերի և մի կեսի մեջ լցնել կակաոն։ Խառնել՝ մինչ միասեռ գույն կստացվի։
Ջեռոցի տապակին ձեթ քսել։
Այժմ երկուական գդալ խմոր լցնել՝ սկզբում սպիտակ, հետո շոկոլադե, կրկին սպիտակ և շոկոլադե։
Փայտե չոփիկով նախշեր անել և ուղարկել նախապես տաքացրած ջեռոցը, թխել 180 ջերմաստիճանի ներքո՝ մինչ լիարժեք պատրաստ լինելը։
Բարի ախորժակ։
