Խորհուրդ ենք տալիս մի անգամից 2 բաժին պատրաստել։ Միշտ ստացվում է և բոլորի մոտ։
Անհրաժեշտ բաղադրիչներ․
- խտացրած կաթ՝ 1 տուփ
- կարագ՝ 200գ
- վանիլային շաքարավազ
- կոկոսի քերուկ՝ 200 գրամ
- նուշ՝ 1 բաժակ
Պատրաստման եղանակ․
Սենյակային ջերմաստիճանի ներքո փափկած կարագը տրորել պատառաքաղով։
Կարագը խառնել խտացրած կաթի հետ, ավելացնել վանիլինը և 100գ կոկոսի քերուկ։
Զանգվածը խառնել՝ մինչ միասեռ կրեմ կստացվի։
Ստացված կրեմը 1 օր պահել սառնարանում։ 1 օր անց սառած կրեմը հանել սառնարանից և կոնֆետներ ձևավորել։
Դրա համար պետք է թեյի գդալով կրեմ վերցնել, գնդիկ ձևավորել, և մեջը դնել 1 հատ նուշ։
Պատրաստի կոնֆետները թաթախել մնացած կոկոսի քերուկի մեջ և դնել մատուցվող ափսեի մեջ։ Ուղարկել սառնարանը։
Մատուցել սառը վիճակում։
Բարի ախորժակ։