Նուրբ բարակ խմոր՝ համեղ կարտոֆիլային միջուկով: Համեղ է ստացվում և խմորը, և միջուկը: Ամենապարզ կարկանդակները, որոնք հալվում են բերանում:
Անհրաժեշտ բաղադրիչներ.
խմորի համար.
- 1 բաժակ գոլ ջուր
- 1թ.գ. չոր խմորիչ
- 1ճ.գ. շաքարավազ
- 0.5թ.գ. աղ
- 2.5 բաժակ ալյուր
միջուկի համար.
- 6-7 միջին չափի կարտոֆիլ
- 2-3 հատ սոխ
- 50գ կարագ
- աղ, սև աղացած պղպեղ
- ձեթ՝ տապակելու համար
Պատրաստման եղանակ.
Կարտոֆիլը մաքրել, կտրատել և եփել աղով ջրի մեջ: Սոխը մանրացնել և տապակել կարագի մեջ:
Կարտոֆիլը տրորել, ավելացնել տապակած սոխը, համեմել աղ և պղպեղով: Խառնել:
Խմորը պատրաստելու համար գոլ ջրին խմորիչ, աղ և շաքարավազ ավելացնել. խառնել, որ լուծվի: Լցնել 2 բաժակ ալյուր և փափուկ, քիչ կպչուն խմոր հունցել: Թողնել տաք տեղում՝ 1 ժամ: Դրանից հետո ավելացնել մնացած ալյուրը և ևս մի անգամ հունցել:
Խմորը բաժանել 3 մասի, ռուլետի պես փաթաթել և կտրատել փոքր կտորների: Յուրաքանչյուր կտորը գրտնակել: Մեջտեղի հատվածում մի գդալ միջուկ դնել:
Ծայրերն իրար կպցնել և ամրացնել: Կարկանդակը շուռ տալ կարերով դեպի ներքև և տապակել մեծ քանակությամբ տաքացրած ձեթի մեջ: Պատրաստի կարկանդակները դնել անձեռոցիկի վրա:
Մատուցել և վայելել:
Բարի ախորժակ:
Նյութը հրապարակման պատրաստեց havesovinfo