Թխվածքը պատրաստվում է արագ, առանց ավելորդ ջանքերի ու շատ ժամանակ ծախսելու։ Ամեն ինչ խառնում ենք և ուղարկում ջեռոցը։
Փափուկ, համեղ, թեթև՝ անթերի է ընտանիքի հետ վայելելու համար։
Անհրաժեշտ բաղադրիչներ․
- ալյուր՝ 200գ
- ձեթ՝ 200մլ, առանց հոտի
- շաքարավազ՝ 150գ
- ձու՝ 2 հատ
- մածուն՝ 1 բաժակ
- փխրեցուցիչ՝ 1թ․գ․
- վանիլին
Պատրաստման եղանակ․
Մեծ խորը տարայի մեջ հարել ձուն։ Ավելացնել շաքարավազը և հարել՝ մինչ համասեռ զանգված կստացվի։
Լցնել ձեթը, այնուհետև մածունը։ Խառնել և ավելացնել վանիլինը։
Փխրեցուցիչը միացնել ալյուրի հետ։ Մաղելով լցնել հիմնական զանգվածի մեջ։ Լավ խառնել։ Ստացվում է թթվասերի խտության խմոր։
Վերցնել մոտ 22սմ տրամաչափի տապակ, ձեթ քսել։ Լցնել խմորը և հարթեցնել։ Թեթևակի թափահարել տապակը, որ պղպղջակներ չմնան։
Տաքացնել ջեռոցը մինչ 180 ջերմաստիճանի, թխել պիրոգը 30-35 րոպե։
Պատրաստ լինել ստուգել չոփիկով։
Պիրոգին շաքարի փոշի ցանել և մատուցել։
Բարի ախորժակ։