Վստահեցնում ենք, որ մի անգամ պատրաստելով այս բուլկիները, այլևս չեք կարողանա հրաժարվել դրանցից։ Բույրը տարածվում է ամբողջ տանը և սեղանի մոտ կանչում ընտանիքի անդամներին։
Անհրաժեշտ է․
- ալյուր՝ 1կգ
- կաթ՝ 530մլ
- շաքարավազ՝ 210գ
- ընկույզ՝ 200գ
- կարագ՝ 200գ
- չոր խմորիչ՝ 20գ
- վանիլին
- աղ՝ մի պտղունձ
- ձու՝ 2 հատ
- դարչին
Պատրաստման եղանակ․
Խմորիչը լուծել 500մլ կաթի մեջ։ Ավելացնել 130գ շաքարավազ և վանիլին։ Թողնել 5 րոպե։
Առանձին հարել ձուն, ավելացնել կաթին, խառնել։ Անդադար խառնելով՝ ավելացնել ալյուր, աղ և 150գ հալացրած կարագ։ Ծածկել խմորը կափարիչով և թողնել, որ բարձրանա՝ մոտ 1,5 ժամ։
Միջուկի համար բովել ընկույզը, մանրացնել գրտնակով։ Մնացած կարագը հալացնել և ավելացնել ընկույզը, մնացած շաքարավազն ու դարչինը։
Խմորը գրտնակել՝ մեծ ուղղանկյուն ստանալով, լցնել միջուկը։ Ծալել խմորի ներքևի և վերևի եզրերը հերթանակությամբ՝ այնպես, որ 3 շերտով ծալված լինի։ Կտրատել նեղ կտորների և փաթաթել։
Դնել յուղաթղթով ծածկված տապակի մեջ, դեղնուց քսել և թողնել 20 րոպե։ Թխել 200 ջերմաստիճանի ներքո՝ 25 րոպե։
Բարի ախորժակ։