Եթե սիրում եք կարկանդակներ պատրաստել, հավանաբար գիտեք խմորի բազմաթիվ տարբերակներ։ Հավատցնում ենք, որ այս բաղադրատոմսը լավագույնն է և այն արժե փորձել։
Անհրաժեշտ բաղադրիչներ․
- մածուն՝ 500մլ
- ալյուր՝ 800գ
- ձու՝ 1 հատ
- ձեթ՝ 50մլ
- կարագ՝ 40գ
- շաքարավազ՝ 2ճ․գ․
- աղ՝ 1թ․գ․
- սոդա՝ 1թ․գ․
Պատրաստման եղանակ․
Խորը տարայի մեջ լցնել մածունը, ձուն, աղը, շաքարավազը, սոդան և խառնել՝ մինչ միասեռ զանգված կստացվի։ Թողնել 5 րոպե, մինչ մակերեսի վրա պղպջակներ կառաջանան։
Լցնել ձեթը։
Առանձին խառնել ալյուրն ու կարագը։ Միացնել մածունով զանգվածն ու ալյուրը։
Անհրաժեշտության դեպքում կարող եք էլի ալյուր ավելացնել։
Սեղանին ալյուր ցանել և դնել խմորը։ Հունցել այնքան ժամանակ, մինչ կստանաք փափուկ, էլաստիկ և ձեռքերին չկպչող խմոր։
Ծածկել սրբիչով և թողնել 30 րոպե։
Խմորը պատրաստ է։ Այսպիսի խմորով կարող եք պատրաստել և կարկանդակներ, և պիցցա։ Երկուսն էլ ստացվում են շատ թեթև և նուրբ։
Բարի ախորժակ։